CALEMBERGA

CALEMBERGA

tractus Germaniae, in Ducatu Brunsuicensi, prope Visurgim fluv. extensus, et inter Hannoveram, Hamelium, Eimbecum et Götingam urbes, hodie sub dominio Ducis Luneburgici Hannoverae. Baudrand. Hinc linea olim Calembergia, alias Götingensis, stirpis Brunsuicensium Principum, cuius Ericus senior, Wilhelmi iunioris secundus filius Sator fuit. Hic in aula Maximiliani I. Imperatoris, cui in bello Bavarito, praeliô adversus Bohemos vitam, aureâ stellâ insignisub sadiectâ ob id donatus, servaverat, vixit. Dein grave ei A. C. 1518. cum Iohanne Lawenburgico, Episcopo Hildeshemensi bellum ortum. Obiit A. C. 1540. pater Erici iunioris qui a matre Elisabetha Brandeburgica in Euangelica religione educatus, eam postea deseruit, matre ob id maerore exstinctâ, impatiens otii, fastu ac stolidâ taciturnitate vanis consiliis plerumque abreptus, in bello Smalcaldico Caesari militavit, dein Bremam A. C. 1546. frustra obsedit. Contra patruelem Henricum A. C. 1552. bellum suscepit: Alberti Brandeburgici partes tuitus est: Hispano adversus Gallos meruit, proelii ad Quintini fanum pars magna: Monasteriensi Episcopo et Dantiscanis pecuniam extorsit, mox Borussiam invasurus, etc. Tandem Papiae A. C. 1584. obiit sine legitima prole. Hereditatem eius Guelferbytanus crevit. Vide Spener. Syll. Genealog. Histor.